Chapter 76

Isinubsob ko ang mukha ko sa manobela ng sasakyan habang hinihintay na sagotin ni Miguel ang tawag ko. Kahit gaano pa kasama ang pamilya ko, hindi ko sila kayang talikuran para lang sa isang lalaki. Maybe this is my fate. I need to marry someone na hindi ko mahal.

"Baby?"

Napasinghap ako nang sagotin niya ang tawag. Dali-dali kong pinunasan ang mukha ko.

"Where are you? We need to talk," saad ko habang pinipigilan ang paglabas ng aking mga luha.

"Nasa hospital ako. Kumusta ka?"

Hindi agad ako nakasagot sa tanong niya. Hindi ko alam kung kumusta nga ba ako. Ang bigat-bigat ng pakiramdam ko.

"Alam na nila ang tungkol sa atin. Magkita tayo. Susundoin kita riyan. Hintayin mo ako sa labas ng hospital," sabi ko bago pinatay ang tawag.

Hinayaan ko ang aking mga luha na bumagsak. Kailangan kong magdesisyon. Kailangan kong mamili sa kanila.

Nang kumalma na ang sarili ko ay saka pa lang ako nag-ayos. Naglagay ako ng light make para hindi mahalata ang pamumula ng pisngi ko dahil sa lakas