Chapter 75

Dumungaw ako sa bintana, sinisilip sila habang kinakausap si Daddy na kagigising lang. Nagpapasalamat ako sa Diyos dahil bumalik na sa normal ang paghinga niya. In-extend nila ang press conference dahil biglang nahihirapan si Daddy sa paghinga. Napag-alaman ko na para pala sa amin ni Alexander ang press conference. Gusto ng mga magulang namin na kami mismo ang mag-a-anunsiyo tungkol sa engagement para pagtakpan ang issue tungkol sa amin ni Miguel.

Gusto kong pumasok sa loob para makita si Daddy ngunit ayaw akong papasokin nina Mommy at Ate Cecile. Baka raw tumaas ulit ang dugo ni Daddy kapag nakita niya ako. Wala akong ibang nagawa kundi dumungaw sa bintana habang masaya silang nagkukulitan sa loob kasama si Daddy. Mas lalo lang nilang pinaparamdam sa akin na hindi ako parte ng kanilang pamilya. Hindi ko na lang din sila pinilit na papasokin ako dahil tama naman sila, kasalanan ko kung bakit inataki sa puso si Daddy kanina. Tama rin ang panunumbat ni Mommy sa akin, wala akong ibang n