Chapter 94

Nagising ako na wala na si Miguel sa tabi ko. Hindi ko alam kung anong oras na akong nakatulog kagabi. Dumapo ang paningin ko sa mga gamit niya, naroon pa rin. Umahon ako sa kama at inayos ito bago ako lumabas para pumunta sa kwarto ko.

Pagpasok ko sa loob ng kwarto, dumiretso ako sa malaking salamin upang tingnan ang sarili ko. Namamaga ang mga mata ko. Mabuti na lang at hindi niya napansin ang pag-iyak ko kagabi.

Napasinghap ako nang biglang sumagi sa isipan ko ang mga sinasabi niya. Ikakasal na siya sa iba. Ako ang gusto niyang pakasalan pero sa iba niya 'yon tutuparin. Napakagat labi ako nang naramdaman ang muling pagsakit ng puso ko. Nanunuot ang sakit sa dibdib habang pinapakinggan ko siya.

Binuksan ko ang bintana ng kwarta upang makalanghap ng sariwang hangin. Agad ko itong isinara nang natanaw sa labas si Miguel. May kasama siyang babae. Nakapulupot ang mga kamay nito sa baywang niya.

Napatingin ako sa pinto nang napansin kong may may kumakatok. Dali-dali akong nagtungo ro