Chapter Seventeen: Siblings

Nagising ako dahil sa malakas na kalabog na napakinggan ko na sa tingin ko'y nagmula sa bandang gilid ko. Dahan-dahan kong minulat ang aking mga mata bago pinaling ang aking ulo sa kanan sa may gilid ko. Nakita ko roon ang isang basin na may laman na tubig, face towel at hindi pa masyadong tunaw na yelo. Nang dinako ko ang aking paningin sa kaliwa, nakita ko si Dior na nakapatong ang ulo sa gilid ng kama ko habang natutulog. Ano'ng ginagawa niya rito?

Nang akmang tatayo pa lang sana ako, muli akong napahiga dahil sa pananakit ng katawan ko at nakaramdam din ako ng hapdi sa balat. Dinako ko roon ang aking paningin at nakita kong may mga pasa at sugat doon. Ganito pala kalala ang natamo ko kahapon.

"Ella..." 

Napatingin ako sa direksiyon ni Dior dahil sa narinig ko mula sa bibig niya. Tulog pa rin siya hanggang ngayon ngunit nag-iba na ang pwesto ng kaniyang ulo dahil siguro sa paggalaw niya kanina. Sino kaya iyong El