Special Chapter 2

Napasiksik ako sa gilid ng kama kahit giit na giit na ako sa pinakadulo. Nagsimulang magpanik ang kaloob-looban ko nang makarinig ng mga yabag ng paa.

Nandito na naman ba siya? Sasaktan niya ba ako ulit? Hindi na ba talaga niya ako mapapatawad? Lalatiguhin niya ba ulit ako?

Ayoko na! Napapagod na ako.

Wala akong kasalanan. H-hindi ako lumabas, h-hindi ako tumakas. H-hindi ako nagpasaway.

Nagsimulang gumilid ang mga luha ko at hindi maiwasang kumawala ang iiling hikbi. Mabilis kong tinakpan ang bibig at pikit matang yumuko nang marinig ang pagclick ng pinto, katunayang nagbukas na ito.

Narinig ko ang mahinang pagsara ng pintuan pero hindi ko pa rin imunulat ang mga mata. Pinapakiramdaman ko ang paligid ngunit nagdaan ang ilang minuto wala pa ring nangyayari.

Walang bulyaw, wala