Chapter 16: SEDUCING HIM

Nauna nang umuwi si Matteo sa mga kaibigan niya. Ayaw man niyang aminin pero dama niya ang excitement na umuwi dahil alam niyang nagluto na naman si Mahalia ang pagkain para sa kaniya.

Bukod kasi sa nagustuhan niya ang luto ng babae, ngayon lang din niya naranasan na pinagluluto siya ng isang babae maliban sa nanay niya noon, at mga katulong niya.

Sa unit naman niya, sariling sikap siya roon. Nagrerenta lang kasi siya ng mga katulong para maglinis ng bahay pero ang pagluluto para sa sarili niya, siya ang gumagawa.

Pagdating niya ng unit, nakabukas na ang mga ilaw, hindi tulad nakaraan na pagdating niya madilim dahil ayaw ni Mahalia makialam sa mga gamit niya sa bahay. Kahit mga ilaw o mga pagkain sa ref. Ngayon, maliwanag na at bukod doon, malinis, maayos lahat at mabango ang paligid.

Walang kahit isang kalat na makikita sa sahig. Dahan-dahan niyang sinara ang pinto, at tinatawag ito, "Mahalia!"

Buong pangalan iyon dahil ayaw niyang i-short cut na mahal. Para kasing hindi mababan