Chapter 67: SORRY

Sa harap ng hapunan, tahimik na naman silang kumakain. Nawawalan ng gana si Mahalia dahil sa pakikitungo nitong sobrang lamig. Hindi umiimik kung hindi niya tatanungin. Pinaikot-ikot lang niya ang tinidor niya sa kanin na niluto lang din nito para sa kaniya.

Inaalagaan siya nito pagdating sa pagkain, pero hindi siya pinapansin. Oo at hindi, sagot sa tanong lang niya ang ginagawa nito.

"Bakit hindi ka kumakain?" tanong nito pero panay lang ang ipon ng pagkain sa plano sabay subo.

Nakabusangot din siyang nagtanong, "Wala akong gana."

"Dahil?" tanong pa nito, parang walang pakialam lang.

"Kasi wala akong gana," sagot naman niya.

"Kumain kayo ni Finn kaninang hapon?" tanong nito.

Umiling siya, hindi pa rin sumusubo. "Hindi."

"Oh bakit wala kang gana, dapat gutom ka," sabi naman nito.

"Mamaya na lang siguro," sabi niya sabay tayo. Binalik niya papasok ang upuan sa ilalim ng lamesa at sumunod ang paningin nito sa kaniya.

Lumabas siya sa kusina at nagpasya na lang na magbabad sa bath