Chapter 68: JEALOUS

Hinatid siya ni Matteo sa unit ni Finn. Habang nasa biyahe pa lang kanina nakabusangot na siya. Bakit ba kasi makikipagkita ito kay Victoria? Akala niya kaya nito sinabi kay Victoria na magboyfriend girlfriend sila kasi ayaw nitong mahalikan, tapos ngayon makikipagkita pa.

Sa unit naman ni Finn nadatnan nila si Hunter. Malaki din ang unit na iyon. Dalawa ang kwarto at magara din. Maaliwalas nga ang lugar, dahil medyo malawak ang sala. Tapos sa sala na iyon, nakaupo lang sila sa sahig dahil naglalaro sila ng video game ni Hunter.

Mga isang oras ang lumipas, hindi pa nakabalik si Matteo. Naiinis siya kaya sa video game na niya ibinuntong ang galit niya. Kalaban niya si Hunter kaya binugbog niya ito sa laro.

"Galing ah," anito nang matumba niya ang hero nito.

Sa una hindi siya marunong ngunit sa huli nang natuto na siya, ginanahan na siyang maglaro.

"Isa pa," sabi pa niya at nagsimula sila ulit. Natalo na naman niya ito at natawa na lang ito sa kaniya, halata kasi ang panggigigil ni