Chapter Forty Six

KINABUKASAN, agad silang lumipat ng mga bata sa bahay na binili ni Craig para sa kanila.

"Ang bonga nitong bahay ninyo, Bessy ha?" puri ni Virginia habang inililibot ang mga mata sa kabuohan ng bahay.

"Kaya nga ei. Si Craig lahat ang namili ng mga gamit at nagustohan ko talaga."

Naupo ito sa itim na sofa pagkakuway ngumuso. "Unlike kay Prince. Sa yaman nilang 'yon sa condo niya lang ako pinatira!"

Natawa siya. "At least may bahay ka. Condo pa rin 'yon no."

"Hindi rin. Hindi rin naman palaging umuuwi roon si Prince."

Nangunot ang noo niya. "Bakit?"

Nagkibit ito ng balikat. "Hindi rin naman kasi makatotohanan ang kasal namin. Mula nang ikinasal kami, hindi na kami nagse-sex."

Muntik na niyang maibuga ang iniinom na juice. Buti na lang wala ang mga bata kundi nasa kanikanilang kwarto at naglalaro.

"Buti pa kayo palaging may ganap. Kawawa naman ang perlas ng sinalangan ko."

Umiling siya. "Baka naman iniisip din niya ang pagbubuntis mo kaya ganu'n?"

"Sus! Meron nga dyan malapit ng manganak