Chapter Fifty Three

"GOOD morning, prinsipe ko," bati ni Anastasia kay Craig ng pumasok ito sa kusina. Bihis na ito at handa ng pumasok sa trabaho.

"Good morning, Princess." Hinalikan siya nito sa noo at niyakap mula sa likod.

"Eksakto tinitimpla ko na ang kape mo. Upo na 'dun." Kunwari ay pagtataboy niya rito.

"Pupunta ka na rin ba sa restaurant?" tanong ni Craig ng makaupo na ito.

"Yes. Bukas na ang opening eh. Settled naman na ang lahat, pero gusto kasi naming tatlo perfect ang lahat."

Inilapag niya ang tinimplang kape sa tabi ng platong kinakainan ni Craig.

"Perfectionist eh?"

"Hindi naman. Gusto lang namin maging maayos ang unang araw ng pagbubukas ng restaurant."

"Just kidding, princess." Kinuha nito ang kamay niya at kinintalan iyon ng halik. "Susunduin ba kita mamaya?"

"Kahit hindi na. Ayokong abalahin ka pa. Pwede naman ako magpahatid kay Rolly."

"Kahit kailan hindi ka sagabal sa akin, princess."

"Alam ko naman 'yon. Alam kong marami ka rin inaasikasong problema sa kumpanya ninyo. Isa pa kaya ko