Chapter Sixty

NANANAKITA ang buong katawan ni Craig nang magising. Kumalansing ang kadenang nakakabit sa mga kamay niya at nakatali naman sa pader.

Nagtamo siya ng bugbog nang ilang beses siyang nagtangkang tumakas sa pribadong isla. Palagi siyang pinagbibigyan ni Cameron at pinapatawad sa tuwing tatakas siya pero nang gabing gusto nitong may mangyari sa kanilang dalawa ay malakas niya itong sinampal, kaya puro bugbog ang natama niya.

Umangat ang tingin niya nang bumukas ang pinto at pumasok si Cameron na may dalang tray ng pagkain.

"Buti naman gising ka na," mataray nitong sabi. "Pinagdalhan kita ng makakain." Inilapag nito ang tray sa isang lamesa at inumpisahan na siyang pakainin.

"Ayokong kumain," aniya na iniwas ang mukha sa akma nitong pagsubo sa kanya.

"Kung 'di ka kakain hindi ka lalakas niyan."

"Mabuti na 'yon. Mas gusto ko na lang na mamatay kaysa makasama ka sa impiyernong lugar na 'to."

Inis na nilapag nito ang kutsara sa plato at galit siyang hinawakan sa mukha. "Hindi ka na makakaalis