Kabanata 45

Corvus’s POV

“Oh, magpalit ka na muna ng damit. Pinagpawisan ka sa mga ginawa natin,” sabi ni Nacho pagkatapos ko siyang i-assist dito sa gym niya. Habang tinuturuan ko kasi siya, sinasabayan ko na siyang magpapawis. Okay lang naman daw sabi niya kaya nagpapawis na rin ako. Tamang-tama, kailangan ko na rin kasi talagang magpapawis dahil napaparami palagi ang kain ko sa villa ni Miss Alina.

“Uy, salamat. Nakalimutan ko rin kasing magdala ng pamalit. Hindi ko naman kasi inaasahang magpapawis ako ng husto ngayon dito sa gym mo,” sagot ko sa kaniya saka ko tinanggap ang mga damit na binigay niya. Maligalig ako kasi payday ko ngayong araw sa pagiging gym instructor ko sa kaniya.

“Bago ‘yang underwear, sando at short na ‘yan ah. Hindi ko pa nasusuot ‘yan,” sabi pa niya.

“Hindi naman ako maarte. Kahit naman nagamit mo na ang mga ‘to ay ayos lang sa akin,” sagot ko habang nagpupunas pa rin ng pawis sa katawan. “Sige, magbanyo po muna ako. Magpapalit lang ako ng mga damit,” paalam ko sa kaniya