Kabanata 25

“Kung ayaw mo palang kahit subukang ipaglaban man lang ang lalaking mahal mo, umuwi na tayo kaysa panuorin mo silang nagsasayang dalawa habang ‘yang puso mo ay nadudurog,” payo ni Aika.

“Hindi… mamaya na,” tipid niyang tugon. Nakikita ni Aika ang lungkot sa mga mata ng kanyang kaibigan at alam niyang may mali sa nararamdaman ng kaibigan ngunit ayaw niya itong masaktan pa ng lubusan.

Tumayo si Aika at isinukbit ang sling bag, hinawakan niya ang kamay ng kaibigan at hinila patayo, “umuwi na tayo. Stop pretending, I know hindi mo na kaya.”

Wala nang nagawa si Lalaine kung hindi ang magpadala sa paghila ng kaibigan paalis ng kainan, “dapat ay maging mapagmatyag ang mga babae ng hindi sila naloloko at naaagawan ng mga ahas sa paligid-ligid,” komento ni Aika habang lumalabas sila na siyang narinig ng mga customer.

Napansin ni Juaquin ang palabas ng restaurant na si Lalaine kung kaya’t tumayo siya at hindi nagdalawang isip na iwan ang kasamang si AJ.

“Lalaine!” tawag ng binata. Huminto naman