Kabanata 32

“Juaquin Cristobal!” Sigaw ni Olivia sa binata.

Huminto si Juaquin at ngumiti sa ina ng kanyang dating nobya, “kumusta ka, auntie?”

“Mabuti naman ako pero ang anak ko…” malungkot na napayuko si Olivia sa nangyari sa anak.

“Anong nangyari kay AJ?” nakita ni Olivia ang pag-aalala sa mukha ng binata at palagay niya nga ay walang masamang ginawa ang binata sa anak niya.

“Isinugod siya sa ospital kaninang umaga, naabutan kong nakahandusay ang anak ko sa sahig at hindi ko a—alam kung paanong nangyari ang ganun sa anak ko,” umiiyak na sabi ng ina. Nadudurog ang puso ni Olivia sa tuwing nagkukwento sa nangyari sa anak dahil ito ay first time na nangyari kay AJ at pakiramdam niya ay malaki ang pagkukulang niya sa anak niya.

“Kumusta na ang lagay niya?” tanong ni Juaquin.

“Maayos na naman ang kondisyon niya, Juaquin. Salamat sa pag-aalala mo sa anak ko, buong akala ko talaga ay wala ka ng pakialam sa anak ko,” pagtatapat ni Olivia.

“Auntie, kahit wala na kami ay pakialam pa rin naman ako sa kan