Kabanata 33

Nabasa ni Juaquin ang mensaheng natanggap niya mula kay Lalaine, nagmadali siyang nagpaalam kay Olivia upang magtungo sa resto ngunit hindi pa siya nakalalayo ay agad binawi ni Lalaine ang paanyaya sa kanya ng dalaga.

“Anong problema niya? Bakit uuwi na siya?” nagtataka niyang tanong habang nakatitig sa mensaheng ipinadala sa kanya ni Lalaine.

Inatasan niya ang kanyang driver na dumiretso na sila sa kanyang bahay ngunit sobrang traffic at hirap nang makaliko ang sasakyan dahil na rin sa biglaang buhos ng ulan sa gawi paroon.

“Nakauwi na kaya siya?” naisip ng binata na itext ang dalaga pero hindi naman ito agad nagreply sa kanya kaya tinawagan niya ito pero hindi rin sumasagot.

“What’s the use of your phone kung hindi ka naman sasagot? Nasir aba ang phone mo?” bulong niya.

“Ano po yun, sir?” tanong ng driver sa pag-aakalang siya ang kausap ng binata.

“I said, tuloy tayo sa address na binigay ko kanina.” Utos niya.

Habang patungo sila sa resto ay palakas nang palakas ang buhos ng ulan a