Kabanata 37

Nagising si Lalaine na puno ng text messages at missed calls ni Juaquin ang notification niya, binuksan niya ang mga isa sa mga mensahe sa kanya.

From: Mr. Cristobal

Where are you, Lalaine? Bakit hindi ka umuwi dito?

“Bakit ako uuwi dyan? There’s no use of staying in your house,” wika niya na parang kaharap ang sinasabihan niya. Tinurn off niya ang kanyang phone upang matigil na ang pagpasok ng mga messages ng binata sa kanya.

Napansin niya ang nakahiga pang kaibigan sa kanyang tabi na himbing ang tulog, “Aika… Gising na, 8:30 na ng umaga. Di ba may pasok ka pa?” Niyugyog niya ang katawan ng kaibigang ayaw pang bumangon sa kama.

Tamad na naupo si Aika sa kama habang nakapikit pa ang dalawang mata, “wala akong pasok…” tamad niyang anunsiyo.

“Martes pa lang ngayon, bff, wag kang susuko,” pang-aasar niya sa kaibigang tulog pa ang diwa.

Iminulat ni Aika ang mga mapupungay na mata at tinignan ang kaibigang mukhang nasa mood ang pang-aasar, “mukhang ambilis gumaling ng puso natin, ah?” pang