Kabanata 40

Buong byaheng tahimik na nakatitig si Juaquin sa mukha ni Lalaine na parang binabasa ang nasa isip nito, “anong pumasok sa isip mo? Bakit ganyan ang mga sinasabi mo?” tanong ni Juaquin sa kanyang isipan.

Hindi na nakapagpigil si Juaquin at pinahinto ang sasakyan kay Chito, “ihinto mo ang sasakyan at umuwi ka na, Chito. Ako na ang bahala,” aniya habang nakatitig pa rin sa dalaga, narinig niya ang pagbukas at pagsara ng pinto ng sasakyan na patunay na nakababa na si Chito.

Nanginginig na iniiwas ni Lalaine ang kanyang tingin at tumingin sa salamin ng bintana kung saan matatanaw niya ang naglalakad palayong si Chito, “anong pinaplano mo? Ba-bakit mo pinauwi ang drayber mo?” hindi mapakali si Lalaine mula sa kanyang inuupuan.

Umusog palapit ng upo si Juaquin sa dalaga at inilapit ng husto ang mukha nito, “bakit ka kinakabahan?”

“H-hindi ako kinakabahan,” nag-iisip ng paraan si Lalaine upang makababa ng sasakyan at makalayo sa lalaking labis na nagbibigay sa kanya ng matinding kaba.

“Bakit