Book 3: Chapter 52-Insulto

Nagngingitngit ang kalooban ni Liza nang makumpirmang sa kaniya ang dala ni Jackie. Malaking insulto sa kaniya ang makitang ipinanigay sa iba ang pagkaing ibinigay niya kay Zion. Nagtatanong ang tingin niya kay Jackie ngunit umiiwas ito ng tingin sa kaniya.

"Para sa akin?" Mukhang nagulat pang tanong ni Alexa kay Jackie.

Ngumiti si Jackie sa babae pero ang tinging ipinukol dito ay hindi maganda. Mabilis na ibinaba ang dala sa working table ni Alexa at walang paalam na umalis.

"Wow, Alexa, kanino galing iyan at si Jackie pa ang nagdala?" tanong ni Jessa.

Nakangiting binuksan ni Alexa ang paper bag at unang inilabas ay ang card na kalakip ng pagkain. Babasahin na sana niya nang bigla iyong inagaw ni Loida.

"A healthy breakfast for you, sana ay magustohan mo." Malakas na basa ni Loida sa mensahing nakapaloob sa maliit na card.

Ramdam ni Liza ang pamumula ng tainga niya at inis na hinablot ang hawak ni Loida upang hindi na mabasa ang iba pang mensaheng nakapaloob sa card. Pagtingin niya