Book 4: Chapter 55-Maling akala

Mabilis na tumuwid ang tingin ni Roger nang tumingin sa kaniya ang amo. Hindi naman talaga siya tumitingin kay Jenny mula nang sumakay ang mga ito sa sasakyan. Mahirap na, baka matusok ng amo ang mga mata niya.

Mabilis na hinubad ni Rafael ang suot na coat at ipinatong sa hita ng dalaga. Hindi naman nakikitaan o ganaong maiksi ang dress, pero hindi niya gustong lantad ang hita nito lalo na at may ibang lalaki silang kasama.

Napanguso si Jenny, para namang kadiri tingnan ang hita niya at ayaw iyon makita ng binata. Sumama siya dito pero hindi pa rin niya kakausapin.

Parang si Roger ang nabibingi sa katahimikan ng dalawang sakay niya. Ang dalaga ay abala sa cellphone nitong bago samantalang ang amo niya nakapikit at mukhang nagpapanggap na tulog. Nang may madaanang flower shop ay siya na ang kusang tumigil roon.

Nagmulat ng mga mata si Rafael nang maramdamang tumigil ang sasakyan. Pagtingin niya kay Jenny ay abala pa rin sa cellphone. Nagtatanong ang tinging ipinukol niya kay Roger