Chapter 30-Pagkamangha

Sobrang nag-e-enjoy ang tatlo habang pinapanood kung paano sapilitang ilabas ang dalawa. Ngunit bago pa makalayo ang mga ito ay may sumita sa mga tauhan.

"Ano ang ginagawa ninyo?"

Parang natuod ang tatlong guard nang makilala ang lalaking sumita sa kanila.

"Mauro, kanina ka pa ba?" Agad na ikinawit ni Diana ang kamay sa braso ng binata upang mabaling sa kaniya ang atensyon nito.

"Bakit hinayaan mong palabasin sila ng mga guard?"

Napipilan si Diana sa naging tanong ng binata at halatang galit ito. Bigla siyang kinabahan na baka malaman nitong siya ang may kagagawan. Ayaw niyang malaman nito na hindi maganda ang ugali niya at matapobre.

"Hi, Mauro, long time no see!" bati ni Sophie sa lalaki.

Nangunot lalo ang noo ni Mauro nang makilala si Sophie. Sa halip na batiin din ito ay nilapitan niya si Stella.

Napabitaw si Diana sa braso ni Mauro at inis na sinundan ito. Talagang masisisanti niya mamaya ang tatlong guard dahil mabagal kumilos kaya nakahanap pa ng kakampi si Stella.

Nagkatingi