Chapter 34-Pagkapikon

Nakangiting lumapit si Diana kay Stella at nakipag beso-beso dito. "Hindi ko akalaing ikaw lang pala ang pinsan kong matagal ko nang gustong makadaupang palad."

Nakangiting gumanti siya ng halik sa babae. Marami ang nakatingin na sa kanila ngayon at bawat galaw niya ay binabantayan.

"Alam kong nag-enjoy ka ng husto at pinagtatawanan ako sa pang-aalipusta ko sa iyong pagkatao. Wala ka naman sigurong balak gumanti? Besides, hindi ko kasalanan kung natawag kitang slapsoil?" sarkastikong bulong muli ni Diana kay Stella.

Si Stella na ang yumakap sa babae at gumanti sa pagbulong. "Hindi ako galit, dear, hindi rin ako apikto sa panlalait mo noon dahil alam mo ang dahilan. Ngayon, hindi ka naman siguro nagagalit sa akin kung si Mauro ang isa sa napili ni Lolo na maging asawa ko?" nang-aasar niyang tanong kay Diana.

"Bitch!" she hissed, kung pwede niya lang sakalin ito habang kayakap. "Show me what you got!"

"Sure!" Marahan niyang tinapik-tapik sa likod si Diana bago kumawala sa pagkayakap.