Chapter 41-Lust

Pagbalik ni Stella sa dating bahay nilang mag-asawa ay ang tahimik ng paligid. Wala din si Marimar na ipinagtataka niya. Ang matanda ay nasa sala at mukhang kanina pa siya hinihintay.

"Lolo, bakit po kayo narito sa sala? Naghapunan na ba kayo?"

"Tapos na, hija, pero si Charles ay hindi pa."

Sa nurse bumaling si Stella at nagtatanong ang tingin dito.

"Kanina pa po naglalasing si Sir Charles at ayaw magpa isturbo." Paliwanag ni Rhea.

Nangunot ang noo ni Stella at nagtataka kung bakit biglang naglasing ang binata. Pero nang maalala si Elizabeth ay pumalatak siya. "Baka nasasaktan sa ginawang pakipaghiwalay kay Elizabeth kaya uminum."

Mabilis na umiling si Ramon dahil mali ang iniisip ng dalaga. "Sa tingin ko ay mali ka ng iniisip, hija. Puntahan ko muna siya at baka napasobra na ng inum."

Mabilis na pinigilan ni Stella ang paggulong ng wheelchair na kinaupuan ng matanda. "Ako na po, lolo, magpahinga na po kayo at kailangan nating umalis ng maaga bukas."

Kakaibang ngiti ang pumaskil sa l