Chapter 46-Tigagal

First time na nilunok ni Sophie ang pride para kay Stella. Nahihiya din siya sa mga ginawa niya dito noon. Nahihiya siya sa mga sinabing hindi maganda dito noon katulad sa panglalait sa pagkatao nito. Ngayon niya napatunayan na hindi puro pagkukunwari lamang ang ipinakitang ugali sa kanila noon ni Stella. Na tunay na may malasakit ito sa abuelo niya at mahal ang kapatid niya. Pero isa siya sa dahilan kung bakit nasira ang relasyon ng dalawa.

Pagtingin ni Sophie kay Stella ay nagdududa ang tingin nito sa kaniya. Tingin na tipong may gagawin siyang hindi maganda kaya naging mabait siya dito ngayon. Deserve niya ang ganitong trato sa kaniya ngayon ni Stella. Kahit hihingi siya ng tawad dito ngayon ay alam niyang lalo siyang pagduduhan nito at isiping may iba siyang motibo.

"Sa labas lang ako." Matabang niyang turan bago humarap na sa pintuan. Tama lamang na bumukas ang pintuan at may pumasok na babaing doctor.

Nagsalubong ang kanilang tingin at mukhang nagulat ang babae pagkakita sa ka