Chapter 48-Shock

"Hija, pinagtutulungan nila ako ng kalaguyo niya! Tingnan mo ang ginawa nila sa akin!" Ipinakita ni Magda ang namumulang pisngi kay Sophie.

"Mom, hinaan mo lang ang boses mo at nakakahiya!" halos pabulong niyang saway sa ginang.

"What?" Hindi makapaniwalang napatitig si Magda kay Sophie. Ang tingin niya ngayon sa dalaga ay mukha itong nasapian ng masamang espirito. "Naririnig mo ba ang sinasabi mo?"

"Mom, tama na. Hindi kalaguyo ni Stella ang lalaking kasama niya!" pagigil niyang anas at ayaw niyang mapahiya pa lalo ang madrasta.

Lalo lamang nainis si Magda sa narinig. Hindi pa siya ganoon katanda para maging ulyanin at makalimutan ang nakaraan. "Sophie, hindi mo ba natatandaan ang lalaking iyan ang sinamahan ng malanding iyan noon?"

Gustong matawa ni Stella sa mga pinagsasabi ni Magda. Talagang nilalakasan pa nito ang pagbubunyag sa alam nito. Tangkang lalapitan ni Alex si Magda upang turuan muli ng leksyon ngunit pinigilan niya.

"I said enough! Hindi niya kalaguyo ang lalaking iyan