Chapter 56-Pagluhod

Nagtaka si Laura nang biglang naging balisa ang nobyo pagkakita sa babaing nanakit sa kaniya. Biglang uminit ang ulo niya at naisip na tama ang hinala kanina. "Honey, sino siya at bakit ganoon na lang kalakas ang loob niya na kalabanin ako? Kilala mo ba siya?"

Biglang nairita si Vanz sa mga sumbong ng nobya. Ayaw niyang mapahiya kay Stella dahil sa kaniyang nobya. Pero ayaw niya ring maipahiya nito ang nobya niya sa harap ng maraming tao at sa harapan niya.

"Bakit hindi mo siya sagutin?" tanong ni Stella sa pinsan.

"Pag-usapan natin sa opisina ang ano mang hindi ninyo pagkaintindihan." Pormal na sagot ni Vanz kay Stella.

"Sino siya sa buhay mo at bakit hindi mo ako magawang ipagtangol ngayon sa kaniya?" galit na sikmat ni Laura sa nobyo. Tumibay ang kutob na tama ang hinala at biglang naging mahinahon ito sa harap ng babae.

Matalim ang tinging ang ipinukol ni Vanz sa nobya at pinararating dito na huwag nang magsalita pa. Ngunit hindi nito nakuha o nabasa ang pakahulugan ng tingin niya