Chapter 64-Warning

Binuhat niya ang dalaga at dinala ito sa mismong opisina nito. Pinaupo sa sofa at sinigurong komportable ito sa kinaupuan. "Alam kong ayaw mong may makakitang magkasama tayong lalabas ng kompanya kaya mauna na ako, okay?" Muli niyang hinaplos ang pisngi ng dalaga.

Napabuntonghinga si Stella at tumango. Talagang natutunaw na ang galit sa puso niya para sa binata dahil sa ipinapakitang affection sa kaniya ni Charles.

Hinalikan niya sa noo ang dalaga at sinuklay ang buhok nito gamit ang sariling daliri. "I love you!"

Naiiyak na napatitig siya sa mga mata ng binata. Bigla siyang napipilan nang marinig ang tatlong salitang matagal na niyang nais marinig mula sa bibig ng binata.

"Alam kong may duda ka pa rin at naisip na may iba akong motibo sa pag angkin sa iyo ngayon. Hindi kita masisi at minamadali. Hayaan mo lang akong patunayan sa iyo ang tunay kong damdamin." Masuyo niyang pakiusap sa dalaga.

"Bigyan mo pa ako ng oras." Ang naisagot niya sa binata. Bigla siyang nag aalala kung ano an