Chapter 60-Apology

"Thirty seconds, left." Untag ni Stella sa pananahimik ni Sophie.

Mukhang gulat na napatuwid ng tayo si Sophie nang marinig ang tinig ni Stella. Hindi na siya nito inalok na umupo at nahiya rin siyang umupo ng kusa.

"Isang minuto lang ang hiningi mong oras kaya magsalita ka na." Mahamig sa tinig ni Stella ang iritasyon.

"Una sa lahat ay sorry." Lumaban siya ng titigan kay Stella at ipinakita rito na sensiro siya.

"Kung hindi ako mayaman, maisip mo kayang mag apologies sa akin?" nang uuyam na tanong ni Stella sa babae.

"Hindi ko inaasahang patawarin mo agad ako. Pero hindi ko hinihingi ng tawad ang ginawa kong pagmamaltrato sa iyo noon. May kasalanan ka rin kung bakit ganoon ang trato ko sa iyo noon."

Umangat ang isang sulok ng labi ni Stella at napahanga sa babae. Kahit nagpapakumbaba na ito sa harapan niya ay hindi pa rin nawawala ang pagiging sopostikadang ugali nito.

"Ang inihingi ko ng tawad ngayon ay ang ginawa kong pangialam sa cellphone ni Kuya Charles noon."

Nangunot ang noo