Chapter 57-Pride

"Madam, paano po kami?" nahihiyang tanong ni Aprilyn sa babae bago pa ito makatalikod.

Nilingon ni Stella ang babae, "manatili kayo dito sa trabaho. Kung ano ang sinabi ko kanina ay hindi ako nagbibiro."

Namilog ang mga mata ni Aprilyn at kulang na lang ay tumalon dahil sa tuwa. Sobrang saya niya dahil hindi siya matatangal sa trabaho at nangangamoy promotion pa.

Saka lang nakahinga ng maluwag ang iba pang naroon at hindi sila nadamay sa nangyari. Pero alam nila na mula sa araw na ito ay maraming pagbabagong mangyari sa kanilang trabaho.

Nakaalalay si Alex kay Stella hanggang makarating ito sa opisinang ang abuelo nito ang gumagamit.

Daig pa ni Loida ang pinagbagsakan ng langit at lupa pagkakita kung saan sila papasok. Hindi lang pala basta pinsan ng acting CEO ang babaing kanilang na bully kanina.

Nahihiyang tumingin si Lorna kay Stella. Kanina lang ay tinawag niya itong mahina at walang kakayahang pamahalaan ang kompanya. Lahat ng sinabi niya kanina ay kinain na niya.

Mabilis na lum