Chapter 45-Hadlang

"Lolo, dadaan lang po ako sa pharmacy," ani Stella habang lumilinga sa paligid at naghahanap ng maparkingan. Kanina pa niya naisip bumili ng mainum ngunit sobrang excited ang matanda at gusto ay dumiritso na ng beyahe.

Nagkatinginan sina Ramon at Rhea, bago pa maitigil ni Stella ang sasakyan sa parking area ay biglang nataranta si Rhea. Nakuha naman ni Ramon ang nais mangyari ng kaniyang nurse at ginampanan ang kaniyang papel sa palabas.

"Senyor, ano ang nangyari? Ayos lang po ba kayo?" Dinama ni Rhea ang dibdib ng matanda habang pinapaypayan ito gamit ang isa pang kamay. Sadyang parehong umupo silang dalawa sa likuran para sa ganitong palabas.

"Ano ang nangyayari?" Nababahalang nilingon ni Stella ang dalawa at wala sa ayos ang pagka park ng sasakyan.

"Mukhang nahihirapan pong huminga si Senyor Ramon."

"Ayos la-lang ako." Bahagyang nabulol si Ramon habang nakapikit ang mga mata.

Agad na binuhay muli ni Stella ang makina ng sasakyan at nagmamadaling kumambyo. "Dadalhin ko na po kayo sa