Chapter 41

Eliezah

HALOS mag-uumaga na nang matapos ang party. Tanging kami nalang tatlo ni Zykiel at ni agent 00050 ang natira na nasa katinuan pero medyo may tama na ng alak. Bagsak na ang mga kasamahan namin sa mga mesa nila.

"Inaantok ka na?" Tanong ni Zykiel habang hinahaplos ang buhok ko.

Nakahilig ako sa balikat niya kasi parang umiikot na ang paningin ko. Ilang shots narin naman ang nainom ko.

"Oo. Medyo umiikot na nga ang paningin ko." Sagot ko at naghikab.

"Akyat na tayo? Alas cuatro narin naman ng madaling araw. Bahala na sila rito, " umikot ang paningin niya.

"Sige." Binuhat niya ako at ikinawit ko naman ang mga kamay ko sa leeg niya. Hinilig ko ang ulo ko sa dibdib niya at pinikit ang mga mata.

Nang makarating sa kwarto ay nilapag niya ako sa kama at kinumutan. Half-open nalang ang nagagawa ng mga mata ko.

"Magpahinga ka na. It's been a long and tiring day for you." Sambit niya at hinalikan ako sa noo. Bahagya lang akong tumango at nagpatangay na sa antok pero bago ako tulyang