Chapter 57

"Huh?! Seryoso ka ba riyan? Talagang hahayaan mo lang na gano'n?!" malakas na sigaw sa akin kaagad ni Valentine dahil nakuwento ko sa kanya ang lahat na nangyari sa amin nila Jeremiah nitong mga lumipas na mga araw. "At talagang ngayon mo lang sinabi sa akin 'yan? Ilang linggo na ang nakakalipas?!"

Napatingin naman ako sa ilalim dahil hindi ko nga sinabi kay Valentine ang lahat na nangyari nitong dalawang linggo na ang nakalipas. Pero naisip ko kasi na huwag na lang sabihin sa kanya dahil ayaw ko siyang ma-stress, ayaw kong mag-isip pa siya ng ibang bagay. Bawal nga raw mainis o ma-stress ang mga buntis kaya ayaw ko na magkuwento pa kay Val.

At saka dapat ako na rin dapat ang nagha-handle ng problema ko pero napuno na rin kasi ako kay Jeremiah, palagi na lagi siyang sumasapaw sa amin ni Louis. Sa tuwing nag-uusap kami ay palagi siyang magsasalita para kuhanin ang atensyon ni Louis, para lang makasali lang siya sa usapan namin ay talagang kahit walang kuwentang bagay ay sasabihin niy