Chapter 49

Chantria

As expected, sobrang awkward sa tuwing naiiwan kaming dalawa ni Iwatani lalo na ngayong sina Louella at Lorreine ang nakapila para sa pagkain naming apat. Actually, Louella insisted na siya naman ang sumama imbis na si Iwatani.

Wala naman akong nagawa dahil kailangang may maiwan sa table namin para hindi kami maagawan. Ayoko rin namang iwan dito mag-isa si Iwatani. Pero sa totoo lang, gustong-gusto kong umalis ngayon sa kinauupuan ko dahil sa sobrang pagkailang.

Alam kong may alam si Louella. Hindi ko alam kung paano niya nagagawa ‘yon o talagang masyado lang kaming obvious ni Iwatani. Sa tuwing may nangyayari kasi sa ‘min ay para bang alam agad ni Louella. Maybe she’s good at reading the atmosphere. I don’t know. Pero natutuwa ako dahil kahit papaano, binibigyan niya kami ng space and privacy. Hindi naman kasi siya nagtatanong.

Dumating na’t lahat sina Louella at Lorreine ay tahimik pa rin kami ni Iwatani. But unlike before, kinakausap ko naman sina Lorreine na para bang wa