Chapter 16.2

Mula pa noong magsimula silang maging magkasintahan, sa tuwing nagluluto si Kourtney, nagugustuhan ito ni Claude. Magaling din kasing magluto ang babae kaya isa iyon sa dahilan kaya nahulog noon sa kanya si Claude.

"Pakilabas mamaya ang dessert after niyang kumain," sabi ni Kourtney sa kasambahay na katulong niya sa paglalagay ng mga pagkain sa mesa.

Ilang sandali pa, pumasok na si Claude sa dining room. Katulad kahapon, ganun pa rin ang itsura niya at mas lalong naging malamig ang mata nito. Diretsong umupo ito sa kanyang upuan at walang ganang pinasadahan ng tingin ang pagkain sa kanyang harapan.

Hindi pa ito napansin ni Kourtney na inalis ang suot na apron bago lumapit sa asawa. Umupo siya sa katabing upuan at may ngiting nilagyan ng pagkain ang plato ni Claude. "Niluto ko lahat ng favorites mo. Tikman mo, dali," excited na sabi ni Kourtney.

Tahimik na kinuha ni Claude ang kubyertos at sumubo ng pagkain. Habang si Kourtney naman ay naghihin