Chapter 75: Effects Of Poison

GREEN'S POV

Matapos ang ilang oras na pamamalagi ni O'brien dito sa isang silid sa Headmaster's building upang samahan ako ay umalis na rin siya kalauna dahil may mahalaga raw itong gagawin saglit. At kanina ko pa iyon hinihintay o hinihiling na gawin niya dahil hindi ko na kayang pigilan pa ang sakit na nararamdaman ko.

Kanina ko pa gustong maiyak at magwala dahil sa namimilipit na sakit ng aking ulo, maging ang aking tiyan. Nasusuka ako ngunit pilit ko itong pinipigilan dahil ayaw kong makita ni O'brien o kahit sinuman na makitang nahihirapan ako sa epekto ng kung anumang uri ng lason na pumasok sa katawan ko. Ayaw kong maging pabigat o kaawaan ng iba. Sa akin umaasa ang lahat at ayaw ko silang biguin. Ayaw kong mawalan sila ng pag-asa dahil ako ang pag-asa ng lahat.

Nararamdaman ko na kasi ang epekto ng lason na kagagawan ng huwad na Leaves, at hindi ko inaasahan na ganito ang magiging epekto nito sa akin. Para akong pinupukpok at tinutusok nang malakas at paulit-ulit sa ulo sa sob