Chapter 76: Strange And Solitary Plant

THIRD PERSON'S POV

Agad na pumasok sina Yazenth at Goddess Heldy sa invisible portal sa isang malaking puno. Ito lang ang tanging daan papasok at pabalik sa Utopia or kahit saang dimensyon sa Therra Universe na iniisip nilang puntahan. Upang dalhin ka ng portal na iyon sa gusto mong puntahan ay kailangan mo lang isipin ang lugar.

Ilang sandali lang din ay lumitaw sila sa hindi kalayuan sa gate ng Royal Academy. Puno sila ng pagtataka kung bakit parang may tumulak sa kanila upang hindi makapasok sa loob nito.

“Maaaring may ibang proteksyon na naman silang inilagay . . . ” pakiwari ni Yazenth. Nang bigla silang matahimik pareho nang may maramdaman silang kakaiba sa paligid.

Hindi nila maiwasan ang mangilabot sa nararamdaman. Nag-uumapaw ang itim na kapangyarihan sa paligid. Pakiramdam din nila ay parang may nakamasid sa kanila. Hindi lang isa kun'di hindi na nila ito mabilang pa.

“Alam kong nararamdaman mo ang nararamdaman ko, Yazenth . . . ” saad ni Goddess Heldy at saka sinukyapan si