Chapter 22

"A-Aray.. Aray! Teka, bakit ka ba nanghihila?!" singhal ni Jillian kay Paxton pero parang wala man lang narinig ang lalaki at patuloy siyang kinaladkad sa kung saan.

Napangiwi si Jillian dahil sobrang higpit ng hawak nito sa palapulsuhan niya. Sinuntok nito kanina si Tyron, sinipa pa palabas ng elevator habang nagtuloy naman sila sa top floor.

May nakasalubong silang babae na hinuha niya ay sekretarya nito. Bakas sa maganda nitong mukha ang gulat pero hindi ito umimik. Nagbaba lang ito ng ulo at binati sila.

Padarag siyang binitawan ni Paxton pagkapasok nila sa opisina nito. Sisinghalan na niya sana ito pero umurong ang dila niya nang makita ang galit na galit na mukha nito. Napaatras siya...

"Ano iyong nakita ko doon sa elevator?" mahinahon ngunit mapanganib nitong tanong. Nagtitimpi ito ng galit. Para itong bulkan na nagbabadyang sumabog.

Napalunok si Jillian. "H-Hindi ko alam.."

Umigting ang panga nito at lumapit sa kanya. "Hindi mo alam?"

"O-Oo. Hindi ko alam," pag-uulit niy