Chapter 23

"Jillian, anak. Magtapat ka nga sa akin. Saan mo kinuha ang pera na ipinambayad mo sa hospital at sa operasyon ko? Alam kong hindi basta-basta ang nagasto doon."

Hindi nakaimik si Jillian. Kanina pa siya ginigisa ng ina tungkol sa bagay na iyon. Sinubukan din niyang iwala ang usapan pero hindi talaga siya makawala.

"Saan ka kumuha ng pera anak? Ibinebenta mo na ba ang sarili mo?"

"Hindi po, ma!"

"Eh saan ka nga kumuha ng pambayad mo sa hospital? Jillian naman. Hindi ako makakatulog nito kapag hindi mo sabihin ang totoo. Hindi ko mapapatawad ang sarili ko kapag gumagawa ka na pala ng bagay na ikakapahamak mo. Mas gugustuhin ko na lang na mamatay—"

"Ma! Ano po ba yang mga pinagsasabi ninyo?" pagpuputol niya sa sinasabi ng ina.

Tinalikuran ni Carmela ang anak. "Masama ang loob ko. Alam kong may ginawa kang hindi maganda. Malaki ang pasasalamat ko pero kung ang kapalit naman ay kayo ang mahirapan, sana ay huwag na lang. Hinayaan niyo na lang sana akong mawala." Nabasag ang boses nito.

Ma