Chapter 24

“Wow!” she exclaimed. “And this will grow in the next three weeks?”

Tumango si Manong Bando sa kanya at ngumiti. “Nako, Ma’am. Parang ngayon lang kayo nakapunta ng vegetable plantation.”

Magsasalita pa sana siya nang lumapit si Maria sa kanya, isa sa mga tauhan dito sa farm nina Beau. “Ma’am, pinapasilong na raw po kayo ni Sir Beau. Mataas na po ang sikat ng araw.”

Sa sinabi nito ay nag-angat siya ng tingin. At tama nga ito, mataas na ang tirik ng araw kaya pala masakit na sa balat. Tumango siya rito at agad na nagpaalam kay Manong Bando na aalis na siya. Lumapit naman si Maria sa kanya at pinayungan siya.

“Halika na po, Ma’am.”

She nodded her head and smiled. Sabay silang naglakad patungo sa shed kung saan may mga upuan doon para sa mga gusting magpahinga. Nagpasalamat siya kay Maria bago ito umalis para asikasuhin ang iba pang mga dapat nitong gawin.

Umupo siya sa upuan at tinanggal ang kanyang bucket hat. Sariwa ang hangin ngunit mataas na ang sikat ng araw. She looked at the time