Chapter 25

Kimberly Ann Martinez

Tanghali na at oras ng pananghalian namin. Sama-sama kaming lahat sa isang pwesto dito sa ilalim ng punong mangga Malayo ang bahay kubo na palagi naming sinisilungan kapag oras ng pananghalian kaya dito na lang kami. Isang kalderong ginataang monggo pinadala galing sa mansion ng may-ari ng hacienda sinamahan pa ng tuyo kaya ganado ang lahat na kumain ng tanghalian.

"Nga pala. Nabalitaan nyo ba?" tanong ni aling Rita habang kumakain kami.

"Ang alin?" curious na tanong ng isa naming kasamahan.

"Binebenta daw ni Don Baltazar ang buong hacienda na ito," malungkot na wika ni Aling Rita.

"Bakit daw?" Tanong ng isa.

"Mag-migrate daw sa America ang buong angkan dahil nandoon ang ibang anak nito," sabi pa niya na may malungkot na boses.

"Kung ganon, posibleng mawalan tayo ng trabaho?" nag-alala na tanong ko.

"Wag naman sana. Dito na tayo tumanda at dito lang tayo nakakakuha ng mga pang-araw-araw na pangangailangan natin," sagot niya sa akin.

"Ipanalangin natin