Chapter 28

Kimberly Ann Martinez

Tulala lang ako habang nakatingin kay Kj na kumakain ng kamote. Ang isip ko kasi ay lumilipad sa ama niya. Mag-iisang linggo na matapos niya akong komprontahin doon sa tubuhan kung ako nga ba si Kimberly. Mabuti na lang at walang sinuman sa mga kasamahan ko ang naghihinala kung ano nga ba ang pinag usapan namin ni Jonathan. Hindi ko na rin ito nabanggit kina Karillo at Kyla dahi ayaw ko na pati sila ay kakabahan din.

"Nanay, kain," aya sa akin Kj at sunubuan ako. Sinubo ko naman ang kamote na iniumag niya sa akin.

"Hmmm, sarap," sabi ko sa kanya. Inabutan ko siya ng gatas niya dahil nakalimutan na niyang inumin to.

"Salamat, nanay," sabi ng anak ko.

"Walang anuman. Sige, kain ka pa para maging healthy pa," sabi ko sa kanya.

Tumango lang siya sa akin at ipinagpatuloy ang pagkain. Wala si Kyla namamalengke habang si Karillo naman ay inaya ng mga kasamahan na kaedaran niya na mamasyal sa lungsod. Kaya kaming dalawa lang ni Kj ang naiwan sa bahay. Ang totoo ay i