Chapter 34

Kimberly Ann Martinez

Tulad ng inaasahan ay nakalabas na kami ng hospital kinabukasan. Sakay kami ngayon ng sasakyan ni Jonathan. Binaybay namin ang daan papunta sa hacienda. Nasa driver's seat si Jonathan, samantalang ako sa harap habang kalong si Kj. Si Kyla sa likod kasama ang ilang mga gamit namin mula sa hospital. Nadaanan pa namin ang ilang mga trabahante na binusinahan at hilagpasan lang namin. Di na nag-abala pang huminto si Jonathan. Di nagtagal ay nakita ko na ang daan patungo sa bahay namin.

"Diyan na lang kami sa may maliit na daan ibaba," sabi ko kay Jonathan.

"What?" medyo naguguluhan pa siya.

"Ang sabi ko dyan mo kami ibaba. Hindi na kasya ang sasakyan mo dyan," sabi ko sa kanya.

"No, sa mansion tayo diretso," kontra niya sa akin.

"Jonathan," warning ko sa kanya ngunit nilagpasan lang ang daan patungo sa bahay namin. "Jonathan!"

Nagulat ang anak ko sa biglang pag sigaw ko. Maging si Jonathan ay biglang inapakan ang preno ng sasakyan. Mabuti na lang at lahat kami