Chapter 27

Kimberly Ann Martinez

"Ate, si kuya Jonathan ba talaga yon?" Tanong ni Karillo. Naglalakad na kami ngayon pauwi ng bahay.

"Siya nga yon. Kilalang-kilala ko siya." sagot ko sa kanya.

"Anong gagawin natin ngayon? Aalis na lang ba tayo?" Tanong ni Karillo sa akin.

"Hindi naman niya tayo namukhaan kanina kaya nasisiguro ko, hindi niya tayo kilala," sabi ko sa kanya.

"Sana nga ate, sana nga." Dalangin ni Karillo.

Nang makarating sa bahay ay di na kami kumatok. Sigurado akong tulog na ang anak ko at si Kyla. Kinuha ni Karillo ang isang manipis na kahoy sa gilid at ipinasok sa gilid ng pinto upang mabuksan ang pakasirado sa loob. Nang mabuksan ay agad kaming pumasok sa loob. Nadagnat ko si Kyla at Kj na natutulog na sa higaan namin. Nagbihis na lang ako ng damit pantulog at tumabi sa anak ko. Si Karillo na ang bahalang magsarado ulit ng bahay namin.

Kinabukasan, maaga kaming nagising tulad ng nakasanayan namin. Tulong-tulong kami sa mga gawaing bahay. Hindi kasi pwedeng si Kyla lang a