Chapter 83

Kinabukasan, naunang nagising si Kristoff. Naramdaman niya ang kamay ni Abby na nasa pisngi niya. Hinawakan niya ito at inalis sa pisngi. Hinalikan niya ang kamay ni Abby sabay tingin sa mukha ng dalaga.

Hanggang, may pumasok na tatlong lalaki na nakasuot ng black suit.

"Sir Kristoff!"

Narinig ni Kristoff ang pagtawag sa kanya at napakunot -noo ito. Bumangon si Kristoff at dahan - dahan niyang binitawan ang kamay ni Abby.

"Sir Kristoff, pinapasundo ka na ni Madam!" seryosong sabi ng isang lalaki.

"Paano ninyo nalaman na narito ako?" tanong ni Kristoff.

"Mula pa po sa airport, pinapasundan na po kayo ni madam!"

"Haist!" Naiinis na reaksyon nya.

"Sumama na kayo sir!"

"Sir! Halina po kayo!"

Sinermunan ni Kristoff. "Sshh! Huwag nga kayong maingay. May natutulog! Baka magising pa ninyo siya!" galit na sabi nito.

Walang magawa si Kristoff. Tumayo na lang ito mula sa kama. Napalingon siya at napatingin sa dalagang mahimbing na natutulog. Ilang minuto rin ang pagtayo niya roon at napatitig kay