"ANDREW AND LANA RETURNS"

ANG mga sumunod na araw ko ay totoong napuno ng kilig sa piling ni Marius. Iyon ay sa kabila ng katotonang nanliligaw pa rin naman siya sa akin at hindi ko pa siya sinasagot.

Hindi rin iyon ang una at huling beses akong nagpunta sa condo unit ni Marius. Nasundan pa iyon. Gustong-gusto kasi niya akong pinagluluto at sa huli ay parang hinahanap-hanap ko na rin iyon. At dahil nga malapit lang ang inuuwian niya sa kanyang work place ay hindi nagiging mahirap para kay Marius ang gawin iyon.

“Bukas pumunta ka sa bahay kasi babalik na sina Kuya at Lana.”

Biyernes ng gabi at katulad ng dati sinundo ako ni Marius. Sa pagkakataong iyon ay napagkasunduan naming sa office ko nalang mag-dinner dahil sa dami ng trabahong kailangan kong tapusin.

“Really? Akalalin mo ‘yun? Nakakaisang buwan na rin pala ako sa panliligaw ko sa iyo?” aniyang tumawa ng mahina pagkatapos.

Napangiti ako saka itinuloy ang pagkain. “Naiinip ka na ba?” tanong ko pa sa kanya saka ko tinitigan ng tuwid sa mga mata.

Dahil nga n