"THE NEXT MORNING"

NAGISING ako kinabukasan na wala na si Marius sa tabi ko. Pero sa halip na makaramdam ng hindi maganda, mas ininda ko ang kirot sa pagitan ng aking mga hita nang subukan kong gumalaw. Pagkatapos niyon ay matamis at makahulugan ang ngiting pumunit sa aking mga labi.

Sa halip na bumangon ay mas pinili kong manatili muna sandali sa pagkakahiga. Kinuha ko ang unan na ginamit ni Marius saka ko iyon mahigpit na niyakap. Sinamyo ko ng husto ang amoy niya na naiwan doon. Nasa ganoong ayos ako nang marinig ko ang pagbukas ng pinto. Kahit kung tutuusin alam ko na kung sino iyon. Agad pa ring kumabog ang dibdib ko gawa ng matinding kaba na biglang nabuhay doon.

“Good morning, Beautiful.”

Ang masayang bungad sa akin ni Marius dala ang isang tray ng pagkain.

“Good morning,” iyon ang agad kong isinagot.

Nakangiti pa rin ako noon nang sambitin ko ang mga salitang iyon kasabay ang paghila ko ng kumot upang itapis iyon sa itaas na bahagi ng aking katawan.

“Breakfast in bed?” aniyang nang makitang ok