Chapter 30

Bandang alas-tres ng hapon nang makarating kami sa bahay nina Hyujin. Hinatid kami ni tito Wei papunta dito kasama ang mga gamit namin ni Mama na nasa likod ng sasakyan.

"Manang, nalinis niyo po ba yung kuwarto na pinapalinis ko?" tanong ni tito sa katulong nila pagkalabas namin sa sasakyan.

Dumating pa ang ibang katulong na naglabas ng mga gamit namin. Isa-isa nilang kinuha ang mga maleta namin at ipinasok iyon sa loob ng bahay.

"Opo, Sir. Naayos at nalinis na po namin," nakangiting sagot ng tinawag ni tito na manang.

"Salamat, manang. Paki samahan na lang po itong si Seira sa magiging kuwarto niya." Tukoy sa akin ni tito. Ngumiti naman ako kay manang saka kami pumasok sa loob ng bahay.

Malaki ang bahay nila Hyujin. Kahit nasa labas ka ay makikita mo na malaki ang bahay kahit na may malaking gate ang nakaharang. Sa loob ay malaki ang espasyo. Hanggang second floor ng bahay namin