Chapter 6

Wasak na lahat ng gamit ko. Ang flat screen T.V, basag na. Ang PSP, durog na. Ang computer at laptop ko, butas na. Ang mga gamit ko ay nagkalat na rin sa sahig. At ang kamay ko ay puro na sugat at dugo.

Ako? Nakahiga sa kama at tulala sa kisame. Nakapatong ang kaliwa kong braso sa aking noo, iniisip ang mga sinabi ni Daddy kanina. Hinayaan ko na lang na pumatak ang mga luha ko dahil kahit ilang punas naman ang gawin ko ay hindi pa rin ito titigil sa pagpatak.

Naninikip ang dibdib ko sa sakit. Para akong pinagkaitan ng langit at lupa. Hindi ko alam ang ginawa kong mali at kailangan mangyari sa akin ito. Bakit ako ang kailangang magsakripisyo alang-alang sa kumpanya namin? Bakit ako pa?

"You need to marry, Faye Alonzo."

Ilang beses akong kumurap hanggang sa matulala na lang ako sa harap ni Daddy. Ayaw magproseso sa isip ko ang mga salitang binitawan niya ngayon-ngayon lang. Ano nga ulit an