Chapter 36

"Ibalik mo ako Hunter ano ba! " Tinanggal ko ang kamay niyang nakahawak sa bewang ko pero binalik niya din ito at lalo pa akong hinapit palapit sa kanya.

Nandito na kami ngayon sa parking area. Hindi niya talaga ako binaba hanggang sa makarating kami dito. Medyo madilim sa parteng ito at kaming dalawa lang ang nandito ngayon.

"Bakit ka ba nandito ha? Anong ginagawa mo dito? Doon ka nga sa babae mo! Wag mo akong guluhin." Tinulak ko siya sa dibdib pero hindi man lang ito natinag. Lalo niya lang pinirmi ang kamay sa bewang ko para hindi ako matumba. "Ano ba!? Umalis ka na nga!"

Sinubukan ko siyang tabigin para makadaan ako pero hindi kulang ang lakas ko. Para itong bato sa sobrang tigas. Wala din akong ganung lakas dahil sa kalasingan ko. Katunayan kung bitawan niya ako ngayon baka mawalan pa ako ng balanse.

Pero syempre panindigan ko ang pagmamatigas ko. Nagpapasuyo ako diba?

"Alis na sabi! Ibalik mo na ako sa loob. Shoooo!" Pantataboy ko sa kanya inabot ko pa ang ilong niya at mah