Kabanata 25.2: FEELINGS

Enver's POV (Part 2)

Hindi man lang ako nagulat o kaya mabilis na tinanggi ang alegasyon. Tila alam ko na ang tungkol sa nararamdaman ko at kailangan ko na lamang ng pagkumpirma. Sa tanang buhay ko mas natakot pa akong aminin ang tibok ng puso ko para kay Sayna. Sa unang pagkakataon, hindi ko alam kung anong gagawin ko sa nararamdaman kong ito. Nagtatanong ang isip ko kung dapat ko bang balewalain dahil alam kong aalis siya at walang permanente sa aming dalawa. Dapat ko bang isipin na merong walang hanggan sa aming dalawa?

“Good luck, bro. Pero subukan mo na umamin dahil baka parehas kayo ng nararamdaman.” iyong ang nais kong marinig ngayong araw at ang sign na hindi ko pa gustong harapin.

“Hindi tayo sigurado,” mapait kong tinig habang nakatingin na kay Sayna at marahang hinaplos ang kanyang kamay gamit ang aking hintuturo.

NAGPAALAM si Leo dahil aasikasuhin niya pa kung sino ang lalaking gumawa nito sa akin. Malakas ang loob ng lalaking iyon para hindi siya matakot na maaaring ma