Chapter 28

This is it!

Na-check ko na ang lahat sa buong venue. Nasa labas na din ang lahat ng bisita. Dumating na din ang mga magko-cover ng event namin. Maging ang mga pagkain na hinanda namin para sa mga bisita.

Wala na akong nakaligtaan, lalo na ang mga display namin.

Tanging oras na lamang ang hinihintay namin para sa pagsisimula ng event kung saan ilo-launch ng Raiden ang partnership nito sa Anox, ang mga kotse na bago sa display nito at ang bagong method na maaaring gamitin ng mga hindi afford mag-cash para mabili ang pinapangarap nilang sasakyan.

“Kinakabahan ako,” sabi ni Art na kanina pa hindi mapakali sa kinatatayuan niya. “Hindi ko akalain na marami ang pupunta ngayon.”

“Pinadalhan ko ng invitation ang lahat ng related sa Raiden,” sabi ko sa kanya. “And of course, siniguro ko na maging ang mga executives at investor ay narito dahil may mga television coverage na mangyayari sa event na ito.”

“Really?” tanong niya na tinanguan ko.

“And Castiel, my friend, said that she will also featur